【YOHO MALL 】聯同日本青森縣合作設計YOHO Urban Farm 「小青森都市農莊」

放假時間我都習慣帶兩姊妹去下唔同地方行下街 、食吓嘢，遇啱個地方靚嘅話，當然唔會錯過機會打吓卡 最近知道【YOHO MALL 】入面有個同日本青森縣合作設計嘅「小青森都市農莊」 見疫情有所緩和，今日我就專程帶咗Anthea同Andrea嚟到【YOHO MALL 】，行到去地下園林食肆專區已啱啱踏正下午茶時間，小朋友一見到呢間田園風餐廳《Green Waffle Diner》已經兩眼發亮，話想去食窩夫，所以我哋就先食個tea歇一歇。 點咗炸雞腿窩夫早餐、班蘭班戟 、❤火龍果窩夫配雪糕、鮮榨火龍果汁、新鮮百香果梳打同藍藻牛奶咖啡☕ 每樣食物都係小朋友心水之選，有齊佢哋最鍾意嘅窩夫、雪糕、炸雞，果汁，兩姊妹食到停唔到口，真係大滿足 我自己就最欣賞班蘭班戟，班蘭味道夠晒特別，班戟有好香甜嘅班蘭味，甜度啱啱好，上面仲鋪滿斑蘭口味嘅絲絲龍鬚糖，配襯新鮮水果伴碟，顏色夠曬鮮艷奪目，賣相吸引，睇見都食慾大增。喺餐廳，除咗可以一邊悠閒咁食吓嘢，仲可以一邊欣賞吓個靚靚園林景色，真係非常寫意

食飽飽當然要散吓步，我哋就行咗出去個都市農莊，話明同日本青森縣合作，呢度當然充滿日式風情，所以就展開咗一輪打卡之旅啦。農莊掛滿由日本職人手工製作嘅金魚睡魔燈籠，充滿春日氣息，影相時候真係有置身於日本嘅感覺。 到咗傍晚，啲燈籠著晒燈，仲有啲似去左日本嘅祭典咁，好有情調 返唔到鄉下 - 日本呢段期間，大家都快啲把握機會去打卡啦！ 期間限定活動詳情 【YOHO MALL 】YOHO Urban Farm 「小青森都市農莊」 即日至4月6日止，要去就快啲把握機會啦 YOHO MALL I 形點 地下園林 ＊ 新界元朗朗日路8-9號及元龍街9號 @yohomallhk #YOHOUrbanFarm #YOHO與青森 #YOHOMALL #形點 

YOHO MALL 形點