銅鑼灣一向係美食集中地
雖然最近收緊防疫措施
但都唔等於無啖好食😋
只要好似我咁識得捐窿捐罅
同樣搵到好味😋嘅外賣🥡返屋企慢慢歎✌️
最近喺銅鑼灣行完街想順便買埋外賣返屋企
就俾我搵到登龍街呢間【和牛88】
佢嘅外賣自取服務仲非常有效率添🥰
餐廳🍴以和牛招徠🐂 當然係必點食物
當中所提供嘅和牛有日本🇯🇵沖繩名物
「石垣牛」
今次我點咗3個主食：
🐂澳洲和牛牛板腱定食套餐(連汽水一罐)$194
牛板腱外層烤得香口 裏面嘅肉質仍然呈現粉紅😍 夠曬嫩滑Juicy 口感腍軟 無半點油膩感覺
配上秘製醬汁一同進食 仲能夠提升味道
連兩姊妹都食唔停口 大讚好味😋
🐂和牛88招牌燒和牛法包套餐(連汽水一罐)$109
咁有創意嘅食和牛方法 我都係第一次試☺️
估唔到味道出奇地好 夠曬驚喜🌈
法包非常脆口 入面有滿滿嘅薄切和牛 肉質嫩滑
再加上面層配以沙律🥗 感覺更為健康
唔會有膩嘅感覺
而且和牛份量夠晒足 咬落啖啖肉 口感非常豐富 呢個套餐絕對係個人私心推介💕
🐂特上石垣和牛和風紫蘇蘿蔔蓉汁炒烏冬$148
烏冬煙韌彈牙 吸收咗和牛肉汁嘅烏冬
味道大大提升 令人食指大動🤤
大大片嘅石垣和牛 肉質腍軟 非常入味又juicy
呢道菜輕易俘虜小朋友嘅胃口😍
每個外賣自取套餐仲會送雪糕🍦一盒
今次呢個《Lipton Yellow Lable Tea》
食落有香濃嘅茶味 非常討好💕
想安坐家中食得滋味😋又放心💕
除咗可以外賣自取 原來仲有其他外送方法
下次有機會再試
沒有留言:
張貼留言