位於市中心嘅一片綠洲 食物有水準

 觀塘工廈cafe越開越多 不過質素都有參差

隱世Cafe【合十】可以講係位於市中心嘅一片綠洲🌳

成為都市人忙裏偷閑加油站⛽️

走文青風路線 設計簡約時尚又帶一點小清新💫 感覺就似步入田園一樣🪵☘️

餐廳分咗幾個用餐區 迎合唔同朋友嘅需要踏入cafe即時就被波希米亞吊椅所吸引😍

令人印象深刻 當然係招牌打卡位之一📸

走到室外座位就發現閃爍嘅星空✨天幕🤩

滿載浪漫氛圍 令人感覺放鬆 甚為討好

今次我選擇咗室外嘅特色帳篷⛺️座位

更加添幾分渡假feel 加上帳篷⛺️座位寬闊

喺度spend一個下午真係夠晒chill

🧀《芝士肉醬田螺焗酥盒》$68

鬆化嘅酥皮外層做得香脆可口

咬落入面有滿滿熱辣辣嘅芝士洋蔥🧅肉醬

仲有大大隻田螺 口感豐富 非常足料😋

呢個小食夠晒驚喜🌈

🍝《冬陰功🌶海鮮扁意粉》$168

意粉軟硬度適中 係我喜歡嘅質感

面層鋪滿豐富嘅海鮮：

蝦球🍤、帆立貝、青口及蜆配以冬陰功湯必備嘅小蕃茄

我自己一向喜歡冬陰功湯🌶

而今次呢個意粉口味創新

冬陰功味道酸酸辣辣🌶又夠正宗

當然輕易俘虜我嘅胃口 🌟必點之選

🐖《巨型豬扒跟薯菜》 $188

果然名不虛傳 呢塊厚切豬扒真心巨型😍

份量十足 對兩個人嚟講份量有啲多

用水果醃製過嘅豬扒味道香甜感覺更為健康

豬扒外層烤得香脆 輕易切開 入面肉質鮮嫩

唔好以為咁大塊豬扒就會好肥膩

呢塊巨型豬扒嘅油脂偏少 咬落真係啖啖肉

建議切開之後趁熱食😋 以品嚐最佳風味

配菜亦用心製作 有煙肉蘆筍粟米卷、juicy烤蕃茄🍅及烤青瓜 🥒

水準屬一流之作 推介‼️

💙《藍藍天空高掛我的夢》$48

夢幻粉藍色系嘅沙冰mock-tail

以藍甘橘汁、椰漿、糖漿、菠蘿汁🍍製成

味道酸酸甜甜 非常醒胃

完全滿足味蕾😋+視覺📸享受💗

☕️《拿鐵咖啡》（熱）$35

寒冷天氣底下飲番杯熱飲☕️即時暖到入心

【合十】店員親切有禮 食物質素亦有水準

價錢合理 今次整體用餐體驗滿意💕