約埋三五知己飯局想啤啤佢🍻
梗係要搵返間貼地又夠重口味嘅小菜館 今次捐窿捐罅嚟到鰂魚涌呢間別有風味 價錢仲好親民嘅❤️【紅館】
有名你叫❤️【紅館】麻辣菜式當然屬必點之選啦🌶️
我哋點咗開胃前菜
❣️招牌麻辣大波波魚蛋 $27/3粒
魚蛋大大粒 有長洲大魚蛋feel 爽口彈牙 既香又麻 惹味開胃😋
仲有餐廳🌟必食推介
❣️重慶水煮嫩滑牛肉 $148
辣度分大/中/小辣 今次點咗中辣🌶️
對我嚟講啱啱好🥰
一見到紅紅嘅水煮湯底 已經令人垂涎三尺🤤
呢個菜式絕對稱得上係有誠意、有水準
湯底熱辣辣 牛肉入味辛香麻辣 份量夠曬多
口感仲要鮮嫩滑溜完全唔韌
入面配有大量芽菜
無論價錢、份量及味道都講得上係性價比超高 誠意推介俾大家🥰
鍾意❤️重口味嘅朋友一定唔可以錯過
另外仲特意點咗
❣️清雞湯薯粉 $28
配上水煮嫩滑牛肉一同進食
簡直係天衣無縫😋
我一向都鍾情酸菜魚今次點嘅呢個
❣️招牌酸菜魚 $148
以煲仔菜形式呈上又係別具風味
餐廳選用龍脷柳做酸菜魚 食落啖啖肉
無骨又滑溜 味道酸酸好開胃 完全無油膩感
真係會連酸菜都清埋
❣️野生椒炒牛柏葉 $118
呢個做法嘅牛柏葉 我都係第一次食到
味道豐富有層次 會食到香辣酸甜 好開胃
加上牛柏葉非常爽口入味 真係愈食愈過癮
依家餐廳🍴仲會送上限量中國白酒一小杯
🍺晚市時段青島啤酒🍻更享買一送一優惠
沒有留言:
張貼留言