三酸撈薯粉 微辣酸香 惹味刺激

 最近試咗新品【三酸撈薯粉】

微辣酸香惹味刺激又醒胃😍 真正為味蕾帶嚟新體驗

三酸撈薯粉重點梗當然在於秘製「三酸汁」： 以老牌陳醋混合麻椒、鮮辣椒🌶️炮製而成，食落每啖都有濃厚酸香滋味，掛汁嘅紐紋薯粉，口感Q彈酸爽😋 再搭配埋全新配料芝麻脆辣椒同黑芝麻薄脆、爽口芽菜、花生等等， 每一啖都滿載層次、一試愛上😍 仲可以自由配搭2-4款心水💕食材 我今次就撈咗豬肉、墨丸同冬菇🤭 （辣度由10小辣起🌶 ） 今次仲試埋呢款小食 【 芝麻沙薑雞丁海蜇 】($22) 以秘製沙薑醬汁配嫩滑雞丁、 爽口青瓜🥒及爽脆海蜇（可辣、可唔辣！） 雞丁肉質細嫩、吸收咗秘製沙薑醬汁夠曬惹味開胃，配搭爽脆青瓜🥒以及海蜇獨有嘅Q彈，口感更豐富😋

食完一大輪，梗係要飲返杯凍飲平衡吓 以加配價 $13 即歎🎖️皇牌特飲 🥭【 奶蓋芒果蒟蒻椰香金露 】（原價$17 ) 以新鮮芒果肉製成嘅泥露色澤金黃，果香濃郁、口感綿滑、味道清甜；加上清新椰汁🥥、Q彈煙韌芒果蒟蒻珠及面層芝士乳酪奶蓋，味道真係perfect match 配搭天衣無縫，即時解辣🌶️