最近去開銅鑼灣行街 點知過咗晚飯時間
唯有去搵宵夜地方 路過登龍街見到有間居酒屋 燒烤堂🍖
一睇餐牌發現原來 💰價錢好親民
食物、飲品選擇種類繁多 絕對係包羅萬有
最緊要係用餐氣氛一流🍽️
餐廳服務員亦有效率
食完嘅餐碟好快會收走
務求令你有更多空間享用美食 讚👍
為咗迎合唔同朋友仔嘅口味
燒烤堂更特別將唔同風味嘅串燒聚首一堂
包括：日🇯🇵/泰🇹🇭/韓🇰🇷/港/川/西/新疆
仲有自家製「堂」風味
而串燒種類分別有：
前菜（佐酒小食）🍅/燒魚🐟/雞🐓/牛🥩/羊🐑/鴨/豚肉🐖/海鮮🦪/野菜🥬/穀物🍠🍚🍞
所有串燒都係即點即燒🔥
我最鍾意❤️就係
❣️鹽燒A4宮崎和牛
❣️ 鹽燒和牛牛小排
外層燒得香脆 肉味香濃夠Juicy
肉質腍軟 入口即溶化 令人回味無窮😋
❣️厚切鹽燒牛舌拖羅
厚切牛舌爽口滑嫩 口感軟嫩豐富
夠曬惹味 佐酒一流之選✔️ 一眾牛舌迷必試
❣️麻辣雞軟骨
軟骨口感香脆爽口 一向都係我至愛❤️
燒香之後既香又麻 實行挑戰你味蕾🤩
❣️鹽燒白鱔
呢個絕對係🌈驚喜之作 燒香後香脆又爽甜
絕對唔會失望 本來想encore 點知已經賣晒
❣️焦糖青蘋果鵝肝多士🍞
呢個平時只有喺西餐廳先食到嘅菜式
估唔到喺呢度都同樣品嚐得到
而且味道仲有水準 鵝肝外層燒得香脆
入口啖啖軟嫩
再配上青蘋果粒 絕對有助提升鮮味😍
加上香脆多士一同進食 口感豐富帶層次
❣️孜然燒蒜蓉茄子🍆
一向鍾意食茄子🍆嘅我又點會錯過
茄子燒得香甜軟滑
再配上蒜蓉及獨特孜然香氣
真係食唔停口🤤
❣️日本芝士🧀年糕
煙煙韌韌又香軟 芝士味道唔太濃
食完都唔會覺得油膩 口感Q彈😋 大愛
特別推薦俾大家
❣️麻辣豬大腸🌶️
豬大腸夠曬肥美 外層燒得金黃香脆
聞到都已經流晒口水🤤
再加上麻辣風味 非常惹味
❣️ 牛油🧀蜜糖 🍯日本番薯條 🍠
外層燒得金黃香脆 名副其實外脆內軟
加上牛油🧀同蜜糖 有助提升番薯甜味
越食越滋味😋
仲有呢款❣️黑糖燒菠蘿🍍
燒過之後嘅菠蘿🍍顯得更香甜
外層有脆脆嘅黑糖包裹住 增加口感 滋味滿分💯
獨特風味 只此一家😋 必點之選✔️
食完一輪🔥熱辣辣嘅串燒
梗係要飲返杯冰凍🧊嘅飲品🍸
❣️即打士多啤梨乳酸 🍓
即打即製作嘅凍飲好新鮮
士多啤梨🍓味道香甜又美味
推介俾各位 #士多啤梨控
❣️新鮮百香果桔仔🍊梳打
酸酸甜甜 夠曬refresh 🌿又解渴
仲有助消滯
今次真係食得好飽 大滿足😌
仲有好多串燒款式未能一一品嘗
下次一定要再去試吓
特別值得一提燒烤堂🍖仲做緊優惠🎊
💥500 mL日本生啤🍺買一送一🍻
絕對係大班朋友或情侶聚餐嘅好地方
沒有留言:
張貼留言