小朋友終於都考完試喇
梗係要同佢哋食餐飯鬆一鬆😊
佢哋一向都好鍾意食西餐🍴
今次就同佢哋嚟試吓位於九龍灣德福廣場嘅
🖤b.o.t.h by Texas Burger 🍔
❣️黑松露雜菌蘆筍忌廉意大利麵 🍝$ 118
惠顧晚餐都會免費🆓送精選飲品（1杯）
我哋就點咗蜜桃🍑紅茶 味道清甜 清爽解渴
以菇菌蘆筍配搭嘅意粉🍝非常清新🌱
充滿夏日氣息 意粉🍝口感爽滑彈牙
加上黑松露進一步提升意粉美味
兩姊妹大讚好味😋 極速光盤
另外只要加 $15 仲可以升級配埋餐湯及餐包
我哋仲加配$45黑松露薯條🍟
薯條炸得香脆可口 兩姊妹食唔停口😂
❣️自家製手工薄餅10’ $ 108
瑪格麗特薄餅🍕
呢個都係兩姊妹最愛嘅薄餅🍕之一
即叫即做嘅薄餅底做得非常脆口😍
面層舖上滿滿嘅芝士🧀 香味濃郁
仲可以輕易拉絲😍 好玩又好味🤤
❣️招牌原木煙燻美國🐖豬肋肉配薯條🍟
上菜嘅時候已經聞到豬肋肉煙燻過嘅香氣
豬肋肉條食落啖啖肉 非常腍軟嫩滑又夠入味
味道香濃好惹味 令人胃口大開🤩
絕對係 #食肉獸 必點菜式😋
伴碟嘅椰菜絲沙律🥗更有助中和油膩感
本來仲想點埋甜品 但係今次真係食得好飽
真心大滿足🤩 唯有留返下一次😊
b.o.t.h. bytexasburger 食物同環境都同樣一流 性價比超高🤩
非常適合一家人同大班朋友暢聚
沒有留言:
張貼留言