食物有驚喜 推薦特製黑醬油拉麵

 同兩姊妹👧👧喺開銅鑼灣行完街🛍️ 梗係要搵地方醫吓肚喇🍴

今日就俾個驚喜佢哋🌈同佢哋去咗🩷富山麵家

佢哋一見到個門面佈滿可愛嘅角落生物 即刻雀躍萬分🤩

齊齊話好想快啲入去嘆美食😂

入面嘅每個角落都有Sumikkogurashi 嘅蹤影

佈置非常可愛😍 啱曬鍾意📸打卡嘅朋友仔

食物方面點咗

❣️角落生物特製黑醬油拉麵🍜

餡料豐富 入面有大大塊叉燒同腍軟嘅豬軟骨😍

配菜仲有大大條蟹柳、筍、玉子同溏心蛋

主角炸豬扒變身成魚板登場💡

真係大人細路都鍾意💕

黑醬油獨有嘅香氣令整碗拉麵香濃撲鼻

麵條爽滑彈牙 每條麵條都掛滿黑醬油非常惹味

❣️特製冷麵（胡麻醬）🍜

大大塊嘅魚板係由5個食到飽一飽嘅主角們製成 造型咁可愛真係唔捨得食呀🤩

配咗胡麻醬嘅冷麵 口感細滑 味道份外清新🌱

加上雞絲、爽彈大蝦🦐 、蟹柳、玉子、車厘茄

令口感更豐富 味道滿載層次🥰

❣️特製🌰栗子紫薯餅

兩姊妹一向好鍾意食紫薯

今次呢個紫薯餅仲加入香甜軟糯嘅🌰栗子炮製

加上造型可愛嘅炸蝦🍤 佢哋又點會唔心動💓

面層炸得金黃香脆 入口綿密香甜 齊齊👍大讚好好味😋

❣️ 特製芭菲🍨

面層有雪糕🍦脆米、水果🫐加上日本🇯🇵獨特嘅年輪蛋糕🍰 別具風味

底層係🍓士多啤梨牛奶🥛奶凍 香甜滑溜 大滿足😋

❣️串燒雞軟骨

即叫即炸 熱辣辣♨️嘅雞軟骨炸得香脆

加上惹味椒鹽 風味一流 作為前菜夠曬開胃

❣️特製荔枝椰果梳打🍹

荔枝香甜 入面嘅椰果有助提升口感 清新之選

❣️特製🍏青蘋果梳打🍹

味道酸酸甜甜有助解膩 同樣啖啖椰果又清新

2款飲品面層同樣鋪上滿滿香滑嘅忌廉

仲有吸晴又可愛嘅角落生物棉花糖

未飲先興奮😆 當然係小朋友大愛😍

兩姊妹嘆完美食真心大滿足🥰