晚飯小菜價錢公道 款款有水準

 同兩姊妹喺銅鑼灣行完街

佢哋就話要喺附近搵餐廳🍴醫肚

咁啱之前同過佢哋去觀塘嘅豪宴薈

性價比非常高 兩姊妹仲大讚點心好好味😋

我哋就決定試吓皇室堡呢間豪宴薈食晚飯🥢

餐廳環境開揚闊落 全家人都坐得輕鬆自在

今次點咗

❣️紅燒BB乳鴿

BB乳鴿香氣濃郁 外皮金黃香脆

咬落入面肉質嫩滑多汁 非常香口惹味

大小朋友都啱食😋

❣️紅酒🍷燴牛尾煲

融入香濃紅酒🍷醬汁嘅牛尾味道特別香甜濃郁

肉質軟嫩 入口即化 帶有滿滿嘅膠質

炆煮過嘅紅蘿蔔🥕 腍軟入味 口感豐富 滿載層次 😍

餐廳做緊晚飯 四大優惠 每枱可以點一款

❣️<特>鹽燒大連鮑魚6隻

鮑魚大大隻 啖啖肉 鹽燒過嘅鮑魚外層酥香焦脆 肉質彈牙 鮮嫩多汁 味道鮮甜😋

❣️瑤柱蛋白炒飯（碟）

面層鋪上滿滿嘅瑤柱乾 香氣撲鼻

配上滑嫩蛋白同切碎嘅芥蘭莖 口感豐富帶鹹香

炒飯粒粒分明 口感清爽唔會油膩 做得好出色

連阿囡都大讚好味🤤 食唔停口

❣️蒜茸西蘭花🥦

蒜香濃郁 西蘭花🥦炒得清脆爽口 非常清新🌱

❣️沙嗲粉絲肥牛煲

熱辣辣嘅肥牛煲沙嗲味道濃郁 夠晒醒胃惹味

肥牛肉質軟腍嫩口 帶鹹香微辣🌶️

金菇口感爽脆 粉絲吸收咗沙嗲湯汁

味道特別香濃 口感軟滑 整個煲仔菜層次豐富

送飯一流嘅小菜☺️

所有菜式價錢公道 款款有水準

好啱晒一家大細/朋友聚餐