日本人都幫襯嘅御好燒 鐵板燒

 唔使飛日本都可以嘆正宗日本🇯🇵 味道

弁慶 御好燒 鐵板燒 Benkei Okonomiyaki Teppanyaki

由日本🇯🇵師傅主理 真正將正宗日本口味帶到嚟香港

今次閒日晚上嚟用餐都幾乎滿座 氣氛一流

仲有唔少日本人都幫襯 就證明大阪燒夠地道 滿載日本風味

一步入門口就見到餐廳正中央嘅大型開放式鐵板燒廚房

我哋揀咗吧檯嘅座位

因為可以邊觀賞師傅用心製作燒物嘅過程

邊品嚐美食 真係令人賞心樂事

所有食物即點即做 保證新鮮熱辣♨️

❣️熱熔芝士大阪燒

御好燒外層煎得香脆可口

面層鋪滿咗海量溶化咗嘅邪惡芝士🧀 拉絲無難度🤩 口感勁creamy 啱晒打卡一族📸

呢款大阪燒入面無加麵 食起上嚟一啲都唔覺膩

❣️鐵板燒牛舌

外層燒得焦香脆口 咬落內層軟嫩多汁😋又juicy ✔️必點之選

❣️ 鰻魚玉子卷

玉子卷做得非常軟嫩 口感細滑帶陣陣甜味

入面包住嘅鰻魚燒得香脆 油脂豐厚 入口即化

鹹香與微甜交織 味道滿載層次 私心推介💕

❣️炒雜菜🥗🥬🧅

看似簡單嘅炒雜菜 想炒得爽脆其實好講求速度同火喉控制

混合咗蔥香、高麗菜加豆芽菜 香氣四溢 口感清爽🌱

🍹鮮榨可爾必思芒果🥭菠蘿🍍梳打

味道酸酸甜甜 解膩消滯

🍹沖繩柑橘可爾必思 🍋‍🟩

味道酸甜 消暑又開胃

豐富嘅檸檬酸仲可以消除疲勞

係補充元氣嘅天然聖品

餐廳經常爆滿 想同三五知己齊齊嘆正宗日本味道 建議提前預約💫