今次路過北角搵食😋
經過見到❤️【愛上米線】主打港人口味
店面裝修新穎時尚 一於決定試一試
餐廳明亮企理💡 俾人感覺乾淨衛生
卡位餐枱及餐椅以簡單黑白主色為設計
再配上紅色吊燈 令人印象深刻
除咗迎合返香港人嘅口味
原來食客仲可以白飯/米線任裝
保證食到飽☺️
今次點咗兩個主食：
加咗$18 轉配套餐（包括一款小食➕一杯飲品）
❣️辣椒🌶炒肉蓋碼粉 $58 （🌟餐廳推介）
材料尚算豐富 入面有辣青椒🫑 肉質亦腍軟入味 有幾分似回鍋肉嘅味道
呢個撈米線份量頗多 加咗醬汁同炸脆咗嘅鷹嘴豆一同進食更加惹味😋
❣️紅燒排骨湯米線（藥膳牛骨湯）$62
排骨大大件 肉汁充斥著藥膳湯底嘅味道
肉質腍軟 對女仔來講份量算幾多 好足料
藥材湯底味道香濃 食完個人暖笠笠
小食點咗：
❣️麻辣🌶豬耳朵
豬耳爽口彈牙 辣度啱啱好 食落既香又麻
非常惹味😋
❣️話梅小蕃茄🍅 （🌟餐廳推介）
剝咗皮嘅小蕃茄 吸收🧽咗話梅嘅酸味
味道清新 酸酸甜甜好開胃
另外仲試咗
❣️手抓餅（$18）
即叫即做嘅手抓餅 熱辣辣♨️
店員一遞上已經聞到葱油與麪筋嘅香味
外層金黃酥脆 咬落入面柔軟煙韌😋
一向都鍾意食香口嘢 呢個手抓餅好有水準
以呢個價錢嚟講 性價比幾高
加$4 餐飲即可轉配以下特飲：
❣️芒果乳酪梳打🥭（🌟餐廳推介）
芒果🥭梳打味道香甜清新
入面仲有粒粒芒果爆珠
一咬就會爆出果汁 口感好特別
用佢嚟解辣一流☺️
❣️熱玫瑰🌹咖啡☕️
有滿滿嘅玫瑰香味 🌹
下次會再試試其他口味💕
沒有留言:
張貼留言